Botanika
Gaur egun kanpina kokatuta dagoen lekua garai batean larre eremu handi bat zen.Hortaz, gune guztia fruitudun zuhaitzekin eta bertako landareekin basoberritzen saiatzen ari gara. Egun makina bat zuhaitz gazte ditugu kanpinean zehar. Zuhaitz hauek hazteko duten erritmoa errespetatzen ari gara, ezin dugu guk nahiko genukeen erritmoa inposatu. Natura da abiadura eta legeak ezartzen duen bakarra. Horregatik, oraindik kanpinean zehar itzal gutxi daukagu, baina hemendik urte batzuetara zoragarria izango da zuhaitz hauek eskaintzen diguten itzalaz gozatzea. Bitartean itxaron beharko dugu.Halaber, kanpinak sendabelar ugari ditu. Horregatik, landare hauen ezaugarriak zein diren eta pertsonengan izan ditzaketen onurak zeintzuk diren aztertzeko asmoa dugu.Sendabelar hauek gure ongizate eta osasunerako oso gomendagarriak dira. Horregatik, landare hauen ahalmena eta abantailak zeintzuk diren ezagutu nahi ditugu. Horretarako, ikastaro eta hitzaldien bitartez alor honetan adituak diren pertsonen ezagutza eta esperientzia jasoko dugu.Ingurune honetan bizi diren izaki bizidunei dagokionez, lursaguak, erbiak, katuak, erbinudeak eta anfibioak lasaitasun handiz bizi dira. Hegaztien kasuan, ugariak dira: putreak, arranoak, miru gorriak, miru beltzak, koartzak, kaskabelak, buztangorriak, karnabak, sagutxoriak, urtxoriak, sai zuriak, ubarroiak, karnabak, mikak, erroiak, txolarreak eta behor-txoriak besteak beste. Animali hauen hegaldiak aho bete hortz uzten gaituzte.
